Que detecta, con que o substitúe e con que garantías

anonimiza.do recibe o teu documento, localiza os datos que identifican unha persoa, substitúeos segundo as regras que configurases e devólveche o ficheiro no seu formato orixinal.

Vinte tipoloxías en sete familias, que activas ou desactivas unha a unha ou por familia enteira. Os identificadores con estrutura formal —NIF, NIE, Seguridade Social, IBAN— valídanse polo seu díxito de control: non se tacha o que só se lle parece.

Podes engadir tipoloxías propias describíndoas en linguaxe natural —«número de historia clínica», «código de expediente sancionador»— sen programar regras nin adestrar nada.

Ningún método único serve para todo: unha expresión regular localiza un NIF con exactitude pero confunde un nome cun topónimo, e un modelo de linguaxe recoñece nomes pero non valida un díxito de control. anonimiza.do combina os dous.

As referencias normativas déixanse intactas a propósito. «Decreto 45/2019, de 3 de abril» son unha data e dous números, e un anonimizador inxenuo táchaos: o resultado é un expediente ilexible do que desapareceu a norma aplicable.

Agrupa ademais todas as formas de nomear a mesma persoa —nome completo, abreviado, tratamento co apelido, papel no procedemento—, así que decides unha vez e a decisión alcanza as súas corenta mencións.

«O irmán da solicitante» ou «a alcaldesa dun municipio de 3.000 habitantes» identifican alguén sen nomealo. É o xeito en que fallan a maioría das anonimizacións:

Ante a dúbida, marca: descartar un falso positivo custa dous clics na revisión, e un dato persoal que se escapa é unha brecha. Os limiares son configurables por tipoloxía. Se che interesa o detalle capa a capa, contámolo neste artigo.

Non son sinónimos, e da elección depende o que poidas facer despois co documento. anonimiza.do implementa os dous e pídeche que elixas.

Dunha soa execución saen dous resultados se os necesitas: unha versión pseudonimizada para o expediente interno e outra anónima para publicar. A táboa de correspondencia ten o seu propio prazo e, ao vencer, destrúese.

Con que se substitúe un dato depende de para que necesites o documento: publicalo, tramitalo ou usalo como xogo de probas. Podes combinalas por tipoloxía dentro dun mesmo documento.

Nun Word os datos persoais adoitan estar fóra do corpo —o pé, unha nota ao final, un comentario de revisión—, xusto onde sobreviven á maioría das anonimizacións.

Se non hai capa de texto —un escaneo, unha foto, un fax— lese con recoñecemento óptico e a substitución aplícase sobre os propios píxeles: non é un rectángulo superposto dos que se retiran cun visor de PDF.

Follas de cálculo e listaxes

Aquí infírese a tipoloxía da columna completa, valores atípicos incluídos, así que a mesma persoa recibe o mesmo trato en toda a táboa. E antes dunha cesión estatística ou de publicar datos abertos verifícase a k-anonimidade: fixas o valor de k e o sistema dicche que combinacións quedan por debaixo, segundo a nota técnica da AEPD e a norma ISO/IEC 20889.

O ciclo completo resólvese desde o navegador: subes o documento, elixes modelo, revisas, aprobas e descargas. Para volume, un lote admite varios ficheiros ou un comprimido, procésase en paralelo e descárgase enteiro.

Revisión antes de publicar

A pantalla de revisión confronta o documento co panel de deteccións para que comprobalo custe minutos. Podes ir detección a detección ou por valor único, resolvendo dunha vez cada aparición dun mesmo valor. Cada aprobación queda como unha versión numerada do documento.

Modelos, lista branca e lista negra

Un modelo garda as tipoloxías activas, a modalidade de cada unha e os limiares, e aplícase a un lote enteiro: un para resolucións de subvencións, outro para expedientes de contratación. A lista branca protexe o que non debe tacharse nunca —a túa propia organización, os seus programas, a súa normativa— e a lista negra forza o contrario.

API REST

A API cobre o ciclo completo: envío de documentos asíncrono e de texto síncrono, consulta de estado, descarga e xestión de modelos. Autentica por token de aplicación —revogar unha integración non afecta ás demais—, avisa por webhook ao rematar e ten contorno de probas.

CEDESA DIGITAL, S.L. dispón de certificación de conformidade co Esquema Nacional de Seguridade en categoría MEDIA, conforme ao Real decreto 311/2022. A unha entidade pública iso afórralle comprobar pola súa conta que o provedor cumpre o esixible.

A túa organización é responsable do tratamento e CEDESA DIGITAL, S.L. actúa como encargado do tratamento (artigo 28 do RXPD). O tratamento é automatizado: o contido non se revisa, non se cede e non se usa para adestrar modelos. O detalle está na Política de privacidade.

Marco normativo